суббота, 15 ноября 2014 г.

КОМИ ПЕРВОКЛАШКАЯС

    Тӧрыт ветлі Сыктывкарса коми войтырлӧн конференция вылӧ. Тані висьтасисны вочӧжся уджысь, сёрнитісны карбердса посёлокъясын мытшӧдъяс йылысь. Паськыдджыка та йылысь гижисны нин инфолентаясын, и ме тшӧтш гижа уджтас. Петас сійӧ матысса середаӧ 16:06-ын "Коми йӧзкостса радио" эфирын.
  Кӧсъя висьтыштны конференция дырйи петкӧдчӧм коми кагукъяс йылысь! Сэтшӧм нимкодь вӧлі найӧс аддзыны да кывны! Чукӧртчылӧм дзик водзас кар администрацияса сцена вывсянь лыддисны комиӧн кывбур медводдза классын 6 велӧдчысь. Чайта, гогорвоинныд, код йылысь сёрниыс. Да, тайӧ найӧ, кодъяс йылысь тай во быд нин ёна сёрнитӧны. Национальнӧй гимназияын чукӧртісны 5 нывкаӧс да 1 зонкаӧс, кодъяс кутасны велӧдны коми, кыдзи чужан кыв. И со, найӧ син водзынӧсь! 

фотоыс Владимир Муравьёвлӧн
Сэтшӧм мусаникӧсь. Кодъясӧскӧ на пиысь тӧда нин. Костюк Козловкӧд да Анюк Нестеровакӧд сёрнитлі нин Челядьӧс доръян лун водзын. Найӧ висьтасисны ас йывсьыныс "Коми йӧзкостса радио" кывзысьяслы. Тусюкъяс, Ен сыкӧдӧн! Кагукъяс сэтшӧм бодера да мичаа сёрнитісны, некутшӧм роч акцент эз кыв! Ой, тшӧтш кӧсъя, медым менам ныв-пиӧй тадзи жӧ кужисны... 


Жаль, дерт, мый талун Сыктывкарын коми челядьыс миянлы дивӧ... 


Комментариев нет:

Отправить комментарий