ЧУЖАН КЫВЛЫ

Чужан кывлы

Зэв ыджыд аттьӧ, Чужан кыв,

Мый менам олӧмын тэ эм,

Мый бӧрйин менам мамлысь сыв,

Йӧв войтӧн йиджин меӧ сэн,

Мый восьтін енъюгыдлысь мич,

Пӧль-пӧчсянь чӧжсьӧм олан лад…

А мый кӧть сьӧлӧмам эг видз,

Пыр тэнад сюрліс меным кад.

И аттьӧ, дона Чужан кыв,

Мый медбур ёрткӧд тӧдса ме,

Мый ӧтка чагторйӧн ог кывт -

Шань йӧзкӧд йитін олӧмӧс.

Мый медся мелі юргӧмнад

Тэ доймӧм лолӧс бурдӧдлан.

Мый тэкӧд водӧ дзолюк-ныв,

Тэд аттьӧ, муса Чужан кыв!

Фото вылас ме Ванеева Мария Флегонтовна прабабӧйкӧд.